Plantun de Prouvènço

Pèr coumpara dos planto d'encò nostre

Draba muralis & Chaerophyllum temulum

Draba muralis

Brassicaceae Cruciferae

Nom en français : Drave des murailles.

Descripcioun :
Lou cauri-de-muraio es uno planto coumuno au levant de Prouvènço e raro en deforo. Trachis dins li muraio umido e fresco. La planto èi bèn drecho e peludo à la baso (péu simple, bifurca e estela). Se recounèis à si fueio de cambo sènso pecou e dentado. Li flour soun mistoulino e li siliculo, que s'escarton de la tijo, fan de 3 à 7 mm.

Usanço :
Es uno planto richo en vitamino C. Escriéure au site se n'en sabès mai.

Port : Erbo
Taio : 3 à 35 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Draba
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 2 à 4 mm
Flourido : Printèms

Sòu : Si (Ca)
Autour basso e auto : 0 à 1600 m
Aparado : Noun
Mars à jun

Liò : Roucas - Muraio - Paret
Estànci : Mesoumediterran à Mountagnard
Couroulougi : Paleoutemperado
Ref. sc. : Draba muralis L., 1767

Cerfuei-bastard

Chaerophyllum temulum

Apiaceae Umbelliferae

Autre noum : Cerfuei-di-bourrisco.

Noms en français : Cerfeuil penché, Cerfeuil enivrant.

Descripcioun :
Lou cerfuei-bastard dóu gènre Chaerophyllum trachis au nostre subretout en ribo de ribiero e dins li bos umide. Se recounèis à si boutoun de flour clina avans la flourido. Èi peréu uno planto proun pelouso, majamen sus li pecou di fueio (fotò). Li petalo soun pas trop divisado pèr un Chaerophyllum. Coumpara emé lou cerfuei-fèr e lis àutri Chaerophyllum pèr pas s'engana. La bourrisco èi la saumo en maritime.

Usanço :
Porto peréu lou noum de cerfuei-fèr-embriagant (cerfeuil enivrant et cerfeuil des fous), alor tant se poudrié que siegue un pau empouisounant, mai n'en sabèn pas mai.

Port : Grando erbo
Taio : 50 à 100 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Chaerophyllum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 6 cm
Flourido : Printèms - Estiéu

Sòu : Ca
Autour basso e auto : 0 à 1600 m
Aparado : Noun
Mai à juliet

Liò : Ribiero - Bos clar - Sebisso - Escoumbre e proche dis oustau
Estànci : Mesoumediterran à Mountagnard
Couroulougi : Éurasiatico
Ref. sc. : Chaerophyllum temulum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Draba muralis & Chaerophyllum temulum

ges

Coumpara Cauri(-de-muraio) emé uno autro planto

Coumpara Cerfuei-bastard emé uno autro planto